தஞ்சாவூர் மாவட்டம் திருவையாறு அருகே உள்ள அல்லூர் அல்சக்குடி மேல காலனி தெருவில் வசித்து வந்தவர் மூர்த்தி. இவருக்கு வயது 60. இவர் கூலி வேலை செய்து தனது வாழ்க்கையை நடத்தி வந்தார். இவருக்கு விவேக் என்ற 24 வயது மகன் உள்ளார். விவேக் டிராக்டர் ஓட்டுனராக பணியாற்றி வருகிறார். தந்தையும் மகனும் அந்த பகுதியில் வசித்து வந்தனர்.

அதே பகுதியில் அருண்குமார் என்பவர் தனது மனைவி கவுசல்யாவுடன் வசித்து வந்துள்ளார். அருண்குமாருக்கு 28 வயது ஆகிறது. அவர் வெளிநாட்டில் வேலை செய்துவிட்டு சமீபத்தில் தனது சொந்த ஊருக்கு திரும்பி வந்துள்ளார். கவுசல்யாவுக்கு 24 வயது. அருண்குமார் வெளிநாட்டில் இருந்த சமயத்தில், கவுசல்யாவுக்கும் விவேக்கிற்கும் இடையே கள்ளத்தொடர்பு ஏற்பட்டுள்ளதாக கூறப்படுகிறது. கடந்த ஆறு மாதங்களாக இவர்களது கள்ளத்தொடர்பு தொடர்ந்து வந்துள்ளது. இது அந்த பகுதியில் பலரும் அறிந்த ஒரு விஷயமாகவும் பேசப்பட்டு வந்தது.

சம்பவத்தன்று, அதாவது நேற்று முன்தினம் இரவு, அருண்குமார் தனது உறவினர்களான தமிழ்ச்செல்வன் மற்றும் முத்தமிழ்செல்வன் ஆகியோருடன் சேர்ந்து மது அருந்தியுள்ளார். தமிழ்ச்செல்வனுக்கு 30 வயது, முத்தமிழ்செல்வனுக்கு 25 வயது. மூவரும் குடிபோதையில் விவேக்கின் வீட்டிற்கு சென்றுள்ளனர். விவேக்கை வீட்டின் வெளியே வருமாறு தகாத வார்த்தைகளால் திட்டி சத்தம் போட்டுள்ளனர். அவர்களின் கூச்சல் கேட்டு வீட்டில் இருந்த மூர்த்தியும், அவரது மகன் விவேக்கும் வெளியே வந்துள்ளனர். என்ன பிரச்சனை என்று கேட்கும் முன்பே வாக்குவாதம் முற்றியுள்ளது.

அப்போது ஆத்திரமடைந்த தமிழ்ச்செல்வனும், முத்தமிழ்செல்வனும் மறைத்து வைத்திருந்த அரிவாளை எடுத்து விவேக்கை வெட்ட பாய்ந்தனர். இதனை கண்ட மூர்த்தி மகனை காப்பாற்ற குறுக்கே வந்துள்ளார். எதிர்பாராத விதமாக அரிவாள் வெட்டு மூர்த்தியின் கழுத்து மற்றும் தலை பகுதியில் பலமாக விழுந்தது. இதில் சம்பவ இடத்திலேயே மூர்த்தி ரத்த வெள்ளத்தில் பரிதாபமாக உயிரிழந்தார். இதனால் அந்த இடமே சோகத்தில் மூழ்கியது.

இந்த சம்பவம் குறித்து தகவல் அறிந்த திருவையாறு போலீஸ் துணை சூப்பிரண்டு அருள்மொழி அரசு உடனடியாக சம்பவ இடத்திற்கு விரைந்து வந்து விசாரணை மேற்கொண்டார். மேலும் நடுக்காவேரி போலீஸ் இன்ஸ்பெக்டர் செந்தில்குமார், சப்-இன்ஸ்பெக்டர் முகமது நிவாஸ் மற்றும் போலீசார் சம்பவ இடத்திற்கு விரைந்து சென்று மூர்த்தியின் உடலை கைப்பற்றி பிரேத பரிசோதனைக்காக திருவையாறு அரசு ஆஸ்பத்திரிக்கு அனுப்பி வைத்தனர். போலீசார் தொடர்ந்து விசாரணை மேற்கொண்டு வருகின்றனர்.

இந்த கொலை தொடர்பாக நடுக்காவேரி போலீசார் வழக்குப்பதிவு செய்து தமிழ்ச்செல்வன், முத்தமிழ்செல்வன் ஆகிய இருவரையும் கைது செய்தனர். தலைமறைவாக உள்ள அருண்குமாரை போலீசார் தீவிரமாக தேடி வருகின்றனர். கள்ளக்காதல் தகராறில் மகனுக்கு ஏற்பட்ட பிரச்சனையில் தந்தை பலியான சம்பவம் அந்த பகுதியில் பெரும் சோகத்தையும், அதிர்ச்சியையும் ஏற்படுத்தியுள்ளது. இந்த சம்பவம் அப்பகுதி மக்களிடையே பெரும் பரபரப்பை ஏற்படுத்தி உள்ளது. மேலும் இதுபோன்ற செய்திகளை உடனுக்குடன் தெரிந்துகொள்ள
E7 Tamil Whatsapp Channel-ஐ Follow பண்ணுங்க
Whatsapp Channel Link:- https://whatsapp.com/channel/0029Va9LGy4FXUuiUvhKXV1S