மாமல்லபுரம்: மாமல்லபுரம் கடலில் குளித்த கல்லூரி மாணவர் உள்ளிட்ட 2 பேர் ராட்சத அலையில் அடித்து செல்லப்பட்டு மாயமானவர்கள். மீனவர்கள் உதவியுடன் போலீஸார் படகில் சென்று தேடி வருகினறனர்.

சென்னை அண்ணா நகர் பகுதியை சேர்ந்தவர் கிரீஷ் கேசவ் (20). இவர் முகப்பேர் பகுதியில் உள்ள ஒரு கல்லூரியில் சி.ஏ. படித்து வருகிறார். அதே பகுதியை சேர்ந்தவர் சயத்ரியாஸ் (18), இவர் பூந்தமல்லியில் உள்ள ஒரு ஓட்டலில் சமையல் கலைஞராக உள்ளார். இவர்கள் 2 பேரும் தனது நண்பர்களான 1 பெண் உள்ளிட்ட 5 பேருடன் மெரினா பீச்சுக்கு செல்வதாக கூறிவிட்டு, மாமல்லபுரம் சுற்றுலா வந்துள்ளனர். இவர்கள் நண்பர்கள் 5 பேரும் மாமல்லபுரம் மீனவர் பகுதி கடலில் குளித்துள்ளனர்.






கடல் சீற்றம் அதிகமாக இருந்ததால் ராட்சத அலையில் சிக்கி கிரீஷ், ரியாஸ் இருவரும் நடுக்கடலுக்கு இழுத்து செல்லப்பட்டனர். உடன் வந்த ஒரு பெண் உள்ளிட்ட 3 பேரும் தங்கள் கண் எதிரில் கிரீஷ், ரியாஸ் இருவரும் கடலில் அடித்து செல்லப்பட்டதை கண்டு துடித்து அழுதனர். பிறகு தகவல் அறிந்து வந்த கடலோர காவல் படை போலீஸார் மற்றும் தீயணைப்பு வீரர்கள் மீனவர்கள் உதவியுடன் படகில் சென்று மாயமான கிரீஷ், ரியாஸ் இருவரின் உடலை தேடி வருகின்றனர்.